هاي قصتي واريد منكم رأيكم بالموضوع

السلام عليكم ورحمة الله وبركاته



اني اشتغل في شركة اهليه في احدى محافظات العراق

واحنا تقريبا 7 عمال
5 اختصاص طابعات
1 سكرتيرة المدير
واني مهندس حاسوب

فصارلي سنتين اعمل في الشركة

فاني انسان الحمد الله ملتزم ومتزوج والله شاهد

من البداية اكو سكرتيرة وهي متزوجة الي هي موجودة هسة احس بيها اتحاول تفرض رائيها على الاخرين واستطاعت ان تستحوذ على قلب ابو الشركة فاصبح ابو الشركة مينطي بيها ابد فاستطاعت ان تسيطر على الجميع .. وارادت ان تسيطر عليا فمنعتها اني تكرارا ومرارا فعدة مرات تتجاوز عليا ومن اكللها ليش اتكول جاي اشاقة بعدين بدت اتسيطر اكثر بقيت بس اني ماخليتها تتعاظم في الشركة الى ان وصل بيها الحال هي و 2 من عمال الطابعات احد عمال الطابعة وصفني بالقرد بحجة الشقة وهي وصاحبي الاخر ضحكو عليا .. فالحقيقة اني زعلت وورا يومين جاي نتغدى كلنا سويا جان ها نفسه الي كلي قرد كال لتمد ايدك بالاكل .. اكل بالخاشوكة فاني عفت الاكل و في اليوم الثالث كنت اكل اني والسكرتيرة وابو الشغل فراحت السكرتيرة في مشوار سريع في الشغل وبعدين رجعت على الاكل وعاد كالت لا ابو الشغل الخاشوكة خوما اكل منها واحد يعني وصفتني بالوسخ اجلكم الله جنابها تستنكف تاكل من خاشوكتي مع العلم اني مماكل من الخاشوكة ابد
وفي اليوم الرابع كنا ناكل سويا اني ابنفسي كلت ميخالف ارجع اكل خلي انسامح اشو النوبة البنت كلتلي لتاكل من ماعوني كدام ابو الشغل .. اني روحي طفرت طفرة بس الله يدري بيها بعدين قرتت ما اكل ابد من المحل

انتو ابرئيكم هذا تعتبروه شقة لو ميصير

وثاني شي اجتني البنت كالت احنا اخوة ماكو زعل ودائما اتككول هيج كلام وتخلف بالاخوة

اريد رئايكم بالي ذكرته

وهل اصالحهم لو لا

وثالث شي مع الاسف الفقير ميعيش